O`rmontexnoservis DUK

LOYIHA

 

O‘ZBEKISTON RESPUBLIKASI VAZIRLAR MAHKAMASINING QARORI

 

O‘zbekiston Respublikasi O‘rmon xo‘jaligi davlat qo‘mitasi huzurida “O‘rmontexnoservis” davlat unitar korxonasi faoliyatini tashkil etish to‘g‘risida

 

O‘zbekiston Respublikasi O‘rmon xo‘jaligi davlat qo‘mitasi tizimida zamonaviy axborot-kommunikatsiya texnologiyalarini yanada rivojlantirish, ommaviy axborot vositalari bilan ishlashni takomillashtirish hamda o‘rmon xo‘jaligini yuritish amaliyotiga fan yutuqlari va ilg‘or tajribani joriy etish maqsadida, Vazirlar Mahkamasi qaror qiladi:

1. O‘zbekiston Respublikasi O‘rmon xo‘jaligi davlat qo‘mitasi, Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi hamda Xususiylashtirilgan korxonalarga ko‘maklashish va raqobatni rivojlantirish davlat qo‘mitasining O‘zbekiston Respublikasi O‘rmon xo‘jaligi davlat qo‘mitasi huzurida “O‘rmontexnoservis” davlat unitar korxonasini (keyingi o‘rinlarda – “O‘rmontexnoservis” DUK deb ataladi) tashkil etish to‘g‘risidagi taklifiga rozilik berilsin.

2. Quyidagilar “O‘rmontexnoservis” DUKning asosiy vazifalari etib belgilansin:

o‘rmon xo‘jaligi sohasida axborot xavfsizligini ta’minlash
va kommunikatsiya tarmoqlari, dasturiy mahsulotlar, axborot tizimlari
va resurslarini joriy etish hamda ularni himoya qilishning zamonaviy texnologiyalarini joriy etish
, ularni yanada takomillashtirish;

o‘rmon xo‘jaligini yuritish amaliyotiga fan yutuqlari va ilg‘or tajribani, shu jumladan dronlar bilan ishlash tizimini amaliyotga tadbiq etish;

O‘zbekiston Respublikasi O‘rmon xo‘jaligi davlat qo‘mitasining axborot xizmatini amalga oshirish, shu jumladan axborot siyosatini shakllantirish va amalga oshirishda qatnashish, ommaviy axborot vositalari bilan ishlashni yanada takomillashtirish;

O‘zbekiston Respublikasi O‘rmon xo‘jaligi davlat qo‘mitasi tizimida axborot-kommunikatsiya texnologiyalarini joriy etish
va rivojlantirishning holatini tizimli monitoring qilish.

3. O‘zbekiston Respublikasi O‘rmon xo‘jaligi davlat qo‘mitasi va uning tizimidagi barcha tashkilotlarga axborot-kommunikatsiya texnologiyalari bo‘yicha xizmat ko‘rsatish, jumladan, serverlarga, telekommunikatsiya uskunalariga, kompyuterlarga, ofis uskunalariga xizmat ko‘rsatish, dasturiy ta’minot va texnik hujjatlarni ishlab chiqish hamda axborot xavfsizligini ta’minlash yuzasidan “O‘rmontexnoservis” DUK bilan, istisno tariqasida, to‘g‘ridan-to‘g‘ri shartnoma tuzishga ruxsat berilsin.

4. O‘zbekiston Respublikasi O‘rmon xo‘jaligi davlat qo‘mitasiga bir oy muddatda “O‘rmontexnoservis” DUKning:

ustavini tasdiqlash va belgilangan tartibda davlat ro‘yxatidan o‘tkazish;

tuzilmasi va shtatlar jadvalini tasdiqlash;

moddiy-texnika bazasini shakllantirish hamda malakali kadrlar bilan ta’minlash choralarini ko‘rish yuklatilsin.

5. Belgilab qo‘yilsinki, “O‘rmontexnoservis” DUK faoliyatini moliyalashtirish va moddiy-texnika ta’minoti:

xo‘jalik faoliyatidan;

xalqaro moliya institutlari, xorijiy hukumat va hukumatga qarashli bo‘lmagan tashkilotlarning beg‘araz texnikaviy ko‘magi (grantlari);

shuningdek qonun hujjatlarida taqiqlanmagan boshqa manbalardan tushadigan mablag‘lar hisobiga amalga oshiriladi.

6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari Z.T.Mirzayev va O‘zbekiston Respublikasi O‘rmon xo‘jaligi davlat qo‘mitasi raisi N.J.Bakirov zimmasiga yuklatilsin.

 

 

O‘zbekiston Respublikasi

Bosh vaziri A.Aripov

Toshkentda ob-havo

Harorat: 28°

Namlik 32% Shamol 8.3 м/c
O'zbekistonda eng ko'p ekiladigan daraxt turi: (158)